Il balon cun tune linie taiade cul curtis, un efiet cal ten ducj cui voi incolaz al televisôr al zire, al curve, cuasi a si plee e al entre dentri ta rêt dongje dal pal. Un secont dopo, ator ator di Bepi al sucêt il fini mont. La int a samee sbrocâsi di colp di dute la soference dai 90 minûts plui i timps complementârs, ma encje di ducj chei atis problemas ca la opprimin tipo il mutuo da cjase coi tassi in rialzo par prin, e a è dute une vosarie un saltà, un bracecuel e casin a manete. Ma lui no. Lui al sta fer a li imobil, al prove a cjalà tai voi colôr celescj cai stan dongje e al viôt nassi une lagrimute e alore al sta ancjemò plui cidin e si fas mo plui dongje. Epûr a erin almancul trê mes cal veve progjetât di la a viodi une partide dal Italie a Lignan, par fâ casin, bevi e divertîsi; e cuanche al veve capît ca sarès stade adiritture la semifinal dal campionât dal mont no stave plui in ta piel e cumò al cjalave i siei amis strafaz e strasudaz a saltà cul distac e la superioritât di chel cal capis che lôr no podaran capì. Ma le un moment e 2 minûts a passin che nencje tu ti nacuarç e Del Piero al bute dentri il secont gol. Sameave par sint impussibil ca si podessie fâ plui casin di prime, ma a è cussì e ormai a son ducj ca corin vie saltant e berlant ca samein zupez. Ma lui no, a somearà incredibil ma l’ere ancjemò plui fer fis a cjalà chei voi celescj che cumò a vaivin propit. Par un moment a Bepi ie vignût il panic di no savei ce di e ce fâ. Il todesc lui no lu a mai savût. In Inglês al è simpri lat mal, ma cun dute la so fuarce al take a meti une peraule daûr di une ate biel plan ma cence fermâsi: "Helga, vuud iu laik to go vuid me on te bich in tu the terrazza a mare?" I voi celescj a si spalanchin da sorprese, a spietin un moment come par riaveisi dal dolôr e il so cjavut biondo al tache a movisi plan su e ju. Al ere un si. 4 di lui dal 2006: l’Italie a e finaliste al campionât mondial; 4 di lui dal 2006: Bepi di mondial la fat la so prime taconade.