La Patrie dal Friûl: Andrea Valcic nuovo direttore


Dopo le recenti dimissioni di Andrea Venier, tocca ad un altro Andrea prendere in mano le redini e le sorti del mensile in lingua friulana La Patrie dal Friûl. Andrea Valcic lo ri-pubblichiamo spesso anche su questo blog nei suoi interventi domenicali sul Gazzettino, ed è un nome molto conosciuto nell’ambito giornalistico regionale.

Al ven di dî “Di un Dree a di chel altri”: di fat Dree Valcic al è il gnûf diretôr da La Patrie dal Friûl, la storiche riviste mensîl in lenghe furlane, cjapant il puest di Dree Venier.<br />

La presentazion uficiâl e je stade fate a la redazion te prime riunion dal 2010. Prime di saludâ il gnûf direttore, il president de clape di culture “Patrie dal Friûl” pre Roman Michelot al à ringraziât uficialmentri Dree Venier, il diretôr che al veve cjapât in man la riviste subit dopo de muart di pre Antoni Beline. “A Dree Venier il nestri agrât di cûr par vê dât un grant contribût professionâl e uman al nestri gjornâl intun moment une vore delicât, come chel de pierdite di pre Antoni. La sô vore e je stade preziose sedi pe redazion ma ancje pal Friûl” al à marcât pre Roman “Bon lavôr e un grazie ancje a Dree Valcic che al à acetât di cjapâ sù il testimone”.

Andrea Valcic, 60 agns fats in Avost, al à une lungje esperience tal mont dal gjornalisim in Friûl: tra i tancj incarics, si ricuardin chel di diretôr dal “Punto” tai agns ’90, la presince a Telefriuli e l’atuâl lavôr al Gazetin. Tal 2008 al à scrit un libri “Ma non vedete il cielo” (ed. Kappavu) e di cualchi mês al à tacât ancje a firmâ une rubriche fisse propit su “La Patrie dal Friûl”: “L(int) autonomiste”, spazi di coment e riflession sul autonomisim in Friûl.

“Cun entusiasim o aceti cheste gnove sfide: al è un onôr cjapâ la direzion da La Patrie dal Friûl. O ringrazii Dree Venier pal lavôr che al à fat fint cumò parcè che al è rivât a dâ gnove fuarce a chest gjornâl intun moment pardabon delicât: la miôr prove de validitât dal lavôr e je, no dome tes pagjinis de riviste, ma tal biel numar di colaboradôrs, cun tancj zovins, che al à rivât a coivolzi”.

Il prossin numar da “La Patrie dal Friûl” al sarà in edicule cu la metât di Fevrâr e i numars di archivi si puedin cjatâju sul sît www.lapatriedalfriul.org.

3 Risposte a “La Patrie dal Friûl: Andrea Valcic nuovo direttore”

I commenti sono chiusi.