di Federico Simeoni
Us fâs savê che Vinars che al ven, ai 6 di Mai, che a colin juste 35 agns dal orcolat, o vin pensât (chei cuatri di nô di buine volontât che no àn masse voie di rindisi) che, un pôc par chest inovâl e un pôc pe visite "pro forme" dal pape a Aquilee, al sarès stât biel e just di cjatâsi denant dal palaç dal vescul a Udin par ricuardâur a chei salvadis di vescui talians de C.E.I. (lassant fûr nissun) che e sarès ancje ore che a lassassin libar il Messâl par Furlan e ancje, parcè di no, par tirâsi dongje fra di nô e cirî di stiçâ a meti fûr il nâs chei che a son dome bogns di trugnâ inte ostarie o sot de nape. Duncje, l'invît al è par cjatâsi aes 4 daspòmisdì là che o ài dit, puartantsi daûr plui int che si rive e almancul (!!!) une bandiere de Patrie e, se o volês, ancje cartei cun scritis e sprocs di cheste fate: "vescui talians, lassait libar il Messâl Furlan!"; "6 di Mai: o vin fat sù i paîs, metìn adun la int!" o ancje "6 di Mai: lis cjasis a son fatis, fasìn sù il Popul!". Al è clâr che se a son par furlan al è miôr ma a laran ben ancje par todesc (lenghe dal pape e simpri mâl glotude dai "italianissimi") e par sloven (ca ai "….issimi" ur ven sbulium pe vite!). Chei par talian… che i pensin i talians! L'apel al è di sparniçâ plui pussibil la vôs a ducj chei che o cognossês. Almancul par un colp, no stin a pensâ: "o ài di lâ a…; " o varès di fâ…"; "mi ven par cjase…"; "il plevan mi à dit…". NO! Pensait dome: "A Udin o ài di jessi ancje jo!", a cost di sintîlis de femine… o dal om,… o de madone… o…A part i scherçs (che nol è tant ce scherçâ), tignît ben presint che se no si judìn prime nô di bessoi, al sarà ben dificil che nus j udi cualchidun altri.
Ariviodisi in tancj!Mandi
Sandri Pian
Ci ritroviamo quindi
VENERDI' 6 MAGGIO alle ore 16.00 a UDINE presso i GIARDINI RICASOLI (di fronte al palazzo vescovile)
Fronte Friulano – Front Furlan
Il portavoce
Federico Simeoni
Fronte Friulano – Front Furlan
Il portavoce
Federico Simeoni
O visin che no je une manifestazion di partît, ma libare. Mandi