Perteole: l’ultimo saluto a don Flaviano Scarpin

Ferruccio Tassin dal Gazzettino di oggi

Mandi, Scarpinut! Salutiamo don Flaviano Scarpin, parroco di Perteole. I più non lo sanno ma la parrocchia, col pulviscolo di filiali, era la perla della Chiesa goriziana. Per essere stata nell’orbita delle Benedettine di Aquileia (con la Serenissima); per aver avuto pastori di stratosferica cultura e spiritualità . Basterebbero un paio: don Meizlik, eminenza del movimento cattolico, internato dagli italiani nella I guerra, o don Francesco Spessot, storico, perseguitato dai “liberatori”.
      Al Scarpinut al stava ta grampa di una man, tant che l’era minût; tal ultin pareva che al foss doventât anciamò plui pizul. Mai un lament da so bocia, se ben che nol dovaress vê vût vita fazila. Si fermava cuant che al viodeva un compain o un amì, senza vê mai vût la tentazion di vaîgi su la spala e contagi li sôs magagnis, i soi dolôrs. Ver predi, nol lava a sirî di sglonfasi come una zava di onôrs. No pezzotis coloradis intôr, e titui che spalanchin la bocia di aiar. Al faseva al so, miôr ch’l podeva; o miôr che si podarèss. Gi interessava la storia, e ti mostrava i libris antics che vessin vût la olma di vita e l’oreva che la int a savess la storia biela da Glesia di cuant che era stada (e, avoltis, je anciamo) da banda dai pûrs: la storia sociale della Chiesa. Scrivìn par taliàn, ma ca di nô la an contada e vivuda, par talian furlan, graolês, bisiac e sclâf. Flaviano al oreva che ducj a podessin cognossila; dopo, nissun al varess contât che a la pura int si podeva oregi ben cuant che era lontana! Dopo, che si rangiassin chei che orevin continuâ a pataffâ bancs e lustrâ pezzotis.<br />
      Lui, ciartis in regula: 12 ains in Africa, dulà che era una vora peloca. Mai che foss vignût fûr da so bocia alc che al savess di laut par sé o pal sô lavôr. L’era tornât, cuant che la salût a scavalgiava pa fadìa e par chel che un nostran nol riva a sopuartâ, come la malaria: plui che malatia cuasi sûr (mai ziruda) da nestra int, in ta Bassa. Ancia ca, mai una peraula par sé, da so bocia. Bon, l’era don Flaviano, una vora bon, come di frut, anzi l’era simpri restât un frut. Si sperava che gi dess la volta al mâl, ma a l’era come un fros, che al vint al pleava di ca e di là. Delicât cul prossim, se ti domondava alc, al zontava un “cuant che tu podis”. L’ultima volta che si vin ciatât, mi veva domondât di rasonâ insieme sul zimiteri di Ulturis (Alture, par talian). Sin lâs là, e mi ha contât di chel lûc come se a foss stât al puest plui legri, senza pauris di sorta. Lu veva fat comedà, soradut ta capela. Vevin cialât se che al restava (come la capela dai Braidis) e vevin ciacarât di come che al mont di avuè l’era cussì mona di rivâ a fâ murî parfin i zimiteris.
      Come una pluma lizera lizera, don Flaviano l’è svolât tal grim di Diu, lassant un mont cun tantis zavis che no san distacasi dal pantan di una granda palût.